საიტზე მიმდინარეობს ტექნიკური სამუშაოები

ბელგიაში მყოფ საქართველოს მოქალაქეთა საყურადღებოდ

ბელგიის ეროვნული უსაფრთხოების საბჭოს გადაწყვეტილების თანახმად:

  • მოსახლეობის გადაადგილება შეიზღუდა. შინიდან გასვლის შესაძლებლობა იქნება გარკვეულ შემთხვევებში: საკვების და მედიკამენტების შესაძენად, სამკურნალო დაწესებულებაში, ბანკში, ფოსტაში და ავტოგასამართ სადგურზე წასასვლელად. აღნიშნული შეზღუდვა არ იმოქმედებს მოსახლეობის იმ ნაწილზე ვისთვისაც სამუშაოს დისტანციურად შესრულება შეუძლებელი იქნება; 
  • მოსახლეობას სკვერებში სეირნობის და სირბილის რეკომენდაცია მიეცა 1,5 დისტანციის დაცვით;
  • იმუშავებენ მხოლოდ სურსათის, ცხოველთა საკვების მაღაზიები და აფთიაქები. მოსახლეობას საყიდლებზე ინდივიდუალურად წასვლის რეკომენდაცია მიეცა. საყიდლების განსახორციელებლად თითოეულ მომხმარებელზე 30 წუთი განისაზღვრა;
  • იმუშავებენ სილამაზის სალონები, მათ შესაძლებლობა ექნებათ მოემსახურონ ერთდროულად მხოლოდ ერთ მომხმარებელს;
  • ქვეყნის მასშტაბით შეწყდა სკოლებში სასწავლო პროცესი;
  • უმაღლეს სასწავლებლებს დისტანციური სწავლების მეთოდზე გადასვლის რეკომენდაცია მიეცათ;
  • გაუქმდა გასართობ სექტორთან დაკავშირებული აქტივობები;
  • დაიხურა კაფეები, ბარები, რესტორნები და გარე ბაზრობები;
  • იკრძალება მოგზაურობა გარდა აუცილებელი შემთხვევებისა. 

შეზღუდვები მოქმედებს 18 მარტის 12 საათიდან 5 აპრილამდე!❗️

საზოგადოებრივი ტრანსპორტი ჩვეულ რეჟიმში განაგრძობს მუშაობას.

დეტალური ინფორმაცია იხილეთ:  https://bit.ly/2TZ3tlR

შეგახსენებთ საქართველოს საელჩოს ცხელი ხაზის ნომრებს: +32 478 792269; + 32 478 792325; +32 488 063312