საქართველოს საელჩომ მონაწილეობა მიიღო ევროპის დღის აღსანიშნავ ღონისძიებაში

2025 წლის 10 მაისს, ბრიუსელში საქართველოს საელჩომ მონაწილეობა მიიღო ევროპის დღის აღსანიშნავ ყოველწლიურ საზეიმო ღონისძიებაში, რომელსაც ევროპის ეკონომიკურმა და სოციალურმა კომიტეტმა (EESC) უმასპინძლა.

ღონისძიების ფარგლებში, ევროკავშირის წევრ და სხვა კანდიდატ ქვეყნებთან ერთად, მოეწყო საქართველოს კუთხე, სადაც წარმოდგენილი იყო როგორც ქართული ღვინო, ასევე, ქვეყნის ტურისტული პოტენციალის, კულტურისა და სამზარეულოს შესახებ მრავალფეროვანი საპრომოციო მასალა.

ქართულმა კუთხემ, ტრადიციულად, დამთვალიერებელთა დიდი მოწონება დაიმსახურა.