საქართველოს საელჩო ბელგიის სამეფოში

საქართველოს საგარეო საქმეთა სამინისტრო აცხადებს საგრანტო კონკურსს „ჩემი ქართული სკოლა“. საგრანტო პროგრამის მიზანია ქართული ენის სწავლების ხარისხის გაუმჯობესება, მოსწავლეების კულტურულ აქტივობებში ჩართულობის გაზრდა, საკვირაო სკოლების გაძლიერება სასწავლო მასალით და შემოქმედებითი რესურსებით, საზღვარგარეთ მოქმედი ქართული საკვირაო სკოლების მხარდაჭერა, საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების ჩართულობით.

2026 წლის 15 მაისს, ქ. კიშინეუში, ევროპის საბჭოს მინისტრთა კომიტეტის 135-ე სხდომის ფარგლებში, საქართველოს ვიცე-პრემიერი, საგარეო საქმეთა მინისტრი, მაკა ბოჭორიშვილი ლუქსემბურგის დიდი საჰერცოგოს ვიცე-პრემიერს, საგარეო საქმეთა და საგარეო ვაჭრობის მინისტრს, ქსავიე ბეტელს შეხვდა.

საქართველოს საგარეო საქმეთა სამინისტრო აცხადებს დედაენის დღისადმი მიძღვნილ საგრანტო კონკურსს „ჩემი ენა ქართული“. კონკურსის მიზანია ქართული ენის სწავლების ხელშეწყობა და ქართული კულტურის პოპულარიზაცია, ასევე, დიასპორული ინიციატივების მხარდაჭერა, საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების აქტიური ჩართულობით.

2026 წლის 18 მარტს, ბრიუსელის საკათედრო ტაძარში, სრულიად საქართველოს კათოლიკოს-პატრიარქის, უწმინდესისა და უნეტარესის, ილია II-ის სულის მოსახსენებელი დიდი პანაშვიდი ჩატარდა.

2026 წლის 22 თებერვალს, ქ. ანტვერპენში, ქართული ქორეოგრაფიული ანსამბლის “იმედი” კონცერტი გაიმართა. ღონისძიება ბელგიის სამეფოში საქართველოს საელჩოს, ქ. ანტვერპენის მერიის და კულტურის განყოფილების “Internationaal Comité” მხარდაჭერით ჩატარდა.

2026 წლის 18 თებერვალს, ბელგიის სამეფოსა და ლუქსემბურგის დიდ საჰერცოგოში საქართველოს საელჩოში, ევროკავშირთან საქართველოს წარმომადგენლობაში, ელჩმა, ვახტანგ მახარობლიშვილმა თავდაცვის ინსტიტუციური აღმშენებლობის სკოლისა და საქართველოს თავდაცვის ძალების წარმომადგენლებს უმასპინძლა, რომლებიც ნიდერლანდების საერთაშორისო ურთიერთობათა ინსტიტუტის „Clingendael” ორგანიზებით გამართულ „თავდაცვისა და უსაფრთხოების უმაღლეს პროგრამაში“ მონაწილეობენ.