2025 წლის 10 მაისს, ბრიუსელში საქართველოს საელჩომ მონაწილეობა მიიღო ევროპის დღის აღსანიშნავ ყოველწლიურ საზეიმო ღონისძიებაში, რომელსაც ევროპის ეკონომიკურმა და სოციალურმა კომიტეტმა (EESC) უმასპინძლა.
2025 წლის 3 მაისს ბრიუსელში საქართველოს საელჩომ ბელგიაში მოქმედი ქართული საკვირაო სკოლების მოსწავლეებს უმასპინძლა. ღონისძიება აღდგომის ბრწყინვალე დღესასწაულსა და 26 მაისს საქართველოს დამოუკიდებლობის დღეს მიეძღვნა.
2024 წლის 3 ნოემბერს, ბელგიის სამეფოს ქალაქ ანტვერპენში წმინდა ნინოს სახელობის ქართულ ეკლესიასთან არსებულმა თეატრმა „ჩვენ დავბრუნდებით“, საქართველოს საელჩოს მხარდაჭერით, სპექტაკლის- „დიდოსტატის მარჯვენა“ პრემიერა გამართა.
გაცნობებთ, რომ 2024 წლის 26 ოქტომბრის საქართველოს საპარლამენტო არჩევნებზე ხმის მიცემის მსურველთათვის, საქართველოს საელჩოში საარჩევნო უბანი გახსნილი იქნება ადგილობრივი დროით დილის 8:00 საათიდან, საღამოს 20:00 საათამდე. არჩევნები გაიმართება საქართველოს საელჩოს შენობაში, მისამართი: Rue Père Eudore Devroye 245, 1150 Brussels.
2024 წლის 18 ოქტომბერს, ბელგიის სამეფოში საქართველოს საელჩომ, ბრიუსელში ვიზიტად მყოფ ქართული სტარტაპების დელეგაციას უმასპინძლა. სტარტაპების ვიზიტი ევროკავშირის მიერ დაფინანსებული პროექტის - „საქართველოსა და ბელგიას შორის პარტნიორობის გაძლიერება მეწარმეთა დროებითი მობილობის ხელშეწყობით (EMLINK)“ ფარგლებში ხორციელდება, მიგრაციის პოლიტიკის განვითარების საერთაშორისო ცენტრის (ICMPD) მიერ.
2024 წლის 18 ოქტომბერს, ბელგიის სამეფოსა და ლუქსემბურგის დიდ საჰერცოგოში საქართველოს ელჩი, ევროკავშირთან საქართველოს მისიის ხელმძღვანელი, ვახტანგ მახარობლიშვილი ევროპარლამენტის გენერალურ მდივანს, ალესანდრო კიოკეტის შეხვდა.
არჩევნები გაიმართება საქართველოს საელჩოს შენობაში, მისამართი: Rue Père Eudore Devroye 245, 1150 Brussels, 26 ოქტომბერს დილის 8 საათიდან, საღამოს 8 საათის ჩათვლით.
ვიზიტის ფარგლებში, ელჩმა შეხვედრები გამართა ლუქსემბურგის საკანონმდებლო და აღმასრულებელი ხელისუფლების პირებთან, მათ შორის, დეპუტატთა პალატის საგარეო ურთიერთობათა და თავდაცვის კომიტეტების თავმჯდომარეებთან გასტი გრაასთან და გაი არენდტთან, ისევე როგორც ლუქსემბურგის საგარეო და ევროპულ საქმეთა სამინისტროს ევროპულ საქმეთა და საერთაშორისო ეკონომიკური ურთიერთობების დეპარტამენტის დირექტორთან, ანჟელ და კრუზთან და ლუქსემბურგის პრემიერ-მინისტრის დიპლომატიურ მრჩეველთან, ლორის ნიკოლეტისთან.
ბელგიის სამეფოსა და ლუქსემბურგის დიდ საჰერცოგოში საქართველოს ელჩმა, ევროკავშირთან საქართველოს მისიის ხელმძღვანელმა, ვახტანგ მახარობლიშვილმა შეხვედრები გამართა ბელგიის სამეფოს საგარეო საქმეთა, საგარეო ვაჭრობისა და განვითარების თანამშრომლობის სამინისტროს აღმოსავლეთ ევროპისა და ცენტრალური აზიის დეპარტამენტის დირექტორთან, ფილიპ ბენუასთან და ამავე სამინისტროს ევროკავშირთან საგარეო ურთიერთობების დეპარტამენტის დირექტორთან, კრისტოფერ დე ბასომპიერთან.
2024 წლის 26 ოქტომბრის საპარლამენტო არჩევნების მოახლოებასთან ერთად, სხვადასხვა სუბიექტი მოქალაქეებს სთავაზობს საკონსულო აღრიცხვაზე დადგომის მომსახურებას და მათ შორის, შეცდომაში შეჰყავთ ისინი, რომ თითქოს საკონსულო აღრიცხვაზე გამარტივებული დადგომა შესაძლებელია საგარეო საქმეთა სამინისტროს საკონსულო მომსახურების პორტალის გვერდის ავლით. არასწორი ინფორმაცია ვრცელდება საზღვარგარეთ საარჩევნო უბნებზე რეგისტრაციის ვადების შესახებაც. საზღვარგარეთ მყოფი საქართველოს მოქალაქეების საყურადღებოდ ვაცხადებთ, რომ, საარჩევნო მიზნებისთვის, მათ შეუძლიათ საკონსულო აღრიცხვაზე დადგნენ არაუგვიანეს 2024 წლის 7 ოქტომბრისა.
2024 წლის 23-30 სექტემბრის პერიოდში, ბელგიის სამეფოსა და ლუქსემბურგის დიდ საჰერცოგოში საქართველოს ელჩმა, ევროკავშირთან საქართველოს მისიის ხელმძღვანელმა, ვახტანგ მახარობლიშვილმა შეხვედრები გამართა ევროკავშირში ესტონეთის მუდმივ წარმომადგენელთან კილიკე სილასტე-ელინგთან, ბელგიის მუდმივ წარმომადგენელთან ვილემ ვან დე ვორდესთან, ავსტრიის მუდმივ წარმომადგენელთან თომას ობერაითერთან და ესპანეთის მუდმივ წარმომადგენელთან მარკოს ალონსო ალონსოსთან.
2024 წლის 7 აგვისტოს, ბრიუსელის საკათედრო ტაძარში, 2008 წელს საქართველოს წინააღმდეგ განხორციელებული რუსეთის სამხედრო აგრესიის შედეგად დაღუპული გმირების სულთა მოსახსენებელი პანაშვიდი აღევლინა.
